网友真实恐怖灵异事件,K房猛诡经历,半夜叫救命

释放双眼,带上耳机,听听看~!

网友真实恐怖灵异事件,K房猛诡经历,半夜叫救命

本期节目由来自粤北的小安分享,阿谷转述,以下是原文字:

大家好,我系来自粤北既小安,听阿谷既节目系从权叔故事开始的,应该有2-3年啦吧,今次想黎分享下我自己既经历啦。

大概10年前啦,我系我地城市一个非常老牌既KTV负责技术工作,基本上滴监控阿,线路啊,音响啊,所有设备既野都要负责,夜班更加系避免唔到啦。

有一次呢,就非常奇怪,大概系夜晚12点左右,有间K房既客人就投诉,话个音响成日都有杂音,好似有人讲嘢咁,咁服务员就叫我过去帮忙处理啦。

但系我左调试右调试,都无问题啊,无杂音啊,当时间K房系中房黎既,约莫有6,7个人,就有两个人话听到,每次唱完一首歌,等下一首歌间场安静既中间呢,会听到个音响度传出一个女人既笑声。

咁我确实又检查唔出咩问题,现场试又问题,就同距地讲,可能隔离房串声吧,有时系会咁既,距地就无介意,继续唱歌继续玩,我就翻机房继续玩手机啦。

过佐唔够半个钟,我又比呢间房既人叫过去,今次就所有人都听到,音响度传出个女人声叫佐两声救命,系我检查设备既时候,呢间房既客人已经即时结账走人,确实半夜听到带有回响既救命声系有滴恐怖,我见距地走晒,我都嗱嗱声翻机房,邓多半个钟就落班。

之后,我同同事只要系值夜班,都会不时听到呢间K房既客投诉话听到怪声,不过多数系女仔话听到,男仔好少听到。

技术上,我地亦都稳唔到咩原因。

直到有一日系饭堂食饭既时候同搞卫生既阿姨倾计,我先听到可能同件事相关既原因。

云姨话,上两月咪系有个女仔系我地KTV饮大佐跟住系阳台度跳佐落去既,因为楼层就唔系好高,5楼啧,所以距当场系无死既,最快赶到距身边既人又系我地既同事,同事就话个女仔跳落黎之后可能后悔佐,口中不停咁叫救命,救我,不过最终救护车赶到,将距送去医院,听讲第二日都系救唔翻……

后来女仔既家属仲系我地公司楼下摆晒遗像,烧晒溪钱,要巨额赔偿。

云姨就话,果个女仔生前,就系系乜乜房唱K,个间房因为系尾房,所以只有差唔多满房,或者要帮客人换房先会开比客人,个晚又奇怪,班客就系换佐去呢间房唱……

无错啦,呢间房,就系上面讲到客人听到怪声既K房,个间房有条消防通道出去商场同阳台吗,距离女仔跳楼既地方唔够20米……

嗱,我就唔够胆讲两件事一定有联系啦,只不过作为一个系KTV同夜场工作过一段时间既人,我想提醒大家,住酒店唔好住尾房,大家都知道啦。

但系KTV最好也不要开尾房,道理系一样既,KTV唔会每一日都爆房,除非有特别安排,或者客人特别要求,尾房既开房率系好低既,本身尾房既设备故障率就比一般既房多滴,而且KTV可以讲都系终日唔见阳光既地方,如果夜晚无人入去,根本就系常年都无人气,夏天我地入呢滴房,真系感觉到气温比外面低少少,所以大家以后去唱K一定要留意下啦。

好啦,以上就系我既分享,多谢咁多位。

给TA打赏
共{{data.count}}人
人已打赏
鬼故事

网友讲述最恐怖的真实经历,五男两女都压不住的凶屋

2022-1-26 0:33:51

鬼故事

泰国小鬼喝可乐是真的吗,真实灵异事件亲身经历

2022-1-27 19:11:42

加虹树微信:824513195 查看更多案例
(1)免费获取每天三名预测自身财运机会。
(2)免费获取《阳和咒》对高危工作,阴气重之人效果最佳。
(3)免费获取《通心和合咒》对于夫妻,情侣双方,诵吾此咒9遍则可普遍通用.有降心和合之功
   。。。。。。
更多内容内容可向虹树先生获取
0 条回复 A文章作者 M管理员
    暂无讨论,说说你的看法吧
个人中心
购物车
优惠劵
今日签到
有新私信 私信列表
搜索